Էկոլոգիական-բնապահպանական խնդիրների լուծման առաջարկությունների, էկոլոգիական նախագծերի ստուգատես
Էկոտուր 2014-ի խնդիրները
- հասարակության ուշադրության ուղղում էկոլոգիական խնդիրներին
- էկոլոգիական խնդիրների լուծում
- էկոտուրի գրադարանի ստեղծում
- շրջակա միջավայրը խնամված, հետաքրքիր և գրավիչ դարձնող, տնտեսող, բարեկիրթ, հայրենատեր քաղաքացիներ
Էկոտուր 2013-ը արդեն երրորդն է և այս տարի համահանրապետականից դարձավ միջազգային. մասնակցում էր Թբիլիսիի Սայաթ նովայի անվան թիվ 98 դպրոցը իր 4 թիմերով՝ 25 մասնակցով, Հայաստանից՝ Լոռու մարզի դպրոցներից կազմված թիմը, Գեղարքունիկի մարզ Գավառի համար 7 դպրոց, Վայոց Ձոր՝ գյուղ Մարտիրոս և Խնձորուտի դպրոցներ, Արագածոտն մարզի Աշտարակի հիմնական դպրոց և իհարկե կրթահամալիրի ավագ դպրոցների և միջին դպրոցի սովորողներ:
Էկոտուր 2013-ը ընթացավ հետևյալ թեմաներով և աշխատակարգով: Իսկ Էկոտուր բաժնում , հիմա արդեն Էկոտուրի բլոգում, տեղ գտան այն բոլոր թեմաները, որոնցով հանդես եկան մասնակից թիմերը, լուսաբանումները և իհարկե մրցանակակիրները:
Էկոտուրը նախագիծ է, որը իր բովանդակությունը չփոխելով կարող է յուրաքանչյուր տարի փոխել ձևաչափը` դառնալով ավելի հղկված, նորացված: Էկոտուր 2013-ի ձեռքբերումները ակնհայտ են.
- Կրթական պարտեզի շնորհանդես Գեղարվեստի ավագ դպրոցում և Միջին դպրոցի տանիքից
- Միասնական ծառատունկներ և բարեկարգման աշխատանքներ ապրիլի 24-ին Կրթահամալիրի դպրոցներում
- Միասնական Վարդատունկ Էկոտուրի փակման ժամանակ
- Անցկացվեծ մանկական Էկտոտուր «Նորին մեծություն կավը» թեմայով
Վերը նշվածները գործնական աշխատանքների օրինակներ են, որոնք Էկոտուր 2014-ի համար լինելու են ուղենիշ:
Էկոտուր 2014-ի հետևյալ ընթացք.
ü Գաղափարի առավել լայն տարածում (հանրապետության դպրոցներում, մարզերում, Արցախում, Ջավախքում, Թբիլիսիում)
ü Էկոտուր 2013-ի մասնակից սովորողներն են ներկայացնում էկոտուրի նշանակությունն ու դերը հասարակության մեջ
ü Էկոտուրի մասնակից թիմերը ունենան համակարգողներ(բոլոր բնագետները պետք է համակարգեն առնվազ մեկ թիմ), յուրաքանչյուր համակարգող աշխատի իր թիմի անդամների հետ, ներկայացնեն մի որևէ թեմա և սկսեն աշխատել թեմայի շուրջ
ü Թիմերը ներկայանում են գովազդային հոլովակով, որտեղ պատմում են իրենց էկոաշխատանքների, էկոգիտելիքների մասին, ունենում են անուն, տարբերանշան
ü Էկոտուրը անցկացնել երկու փուլով
առաջին փուլ – թիմերը կատարում են նյութերի հավաքում, մշակում են և թեմայի տեսական բնութագիրը և սկսում գործնական աշխատանքը: Ուղարկում են համակարգողին և էկոոլորտի անկախ մասնագետի: Մասնագետները գրավոր հայտնում են իրենց կարծիքը նյութի վերաբերյալ և կարծիքի հիման վրա էլ թիմը կարողանում է մասնակցել կամ չմասնակցել երկրորդ փուլին: Նյութերը հրապարակվում են Էկոտուրի բլոգում:
երկրորդ փուլ – թեմայի գործնական աշխատանքի ներկայացում
Էկոտուր-2014-ի մասնակիցները
ü Հայաստանի, Արցախի, Վրաստանի հանրակրթական դպրոցների, քոլեջների սովորողներ, ուսուցիչներ
ü Մասնակիցները կազմակերպեն էկոդասեր կրտսեր դպրոցների սովորողների համար
ü Էկոտուր 2013-ի գլխավոր և առաջին տեղ զբաղեցրած սովորողների հետ անցկացնել ասուլիս, քննարկել դժվարություններն ու բարդությունները, հաջողությունները
ü Լուսաբանումը կատարվի կոնկրետ նշանակված մարդկանց կողմից, որն ավելի արդյունավետ է
ü Միասնական էկոճամփորդություններ Հայստանի արգելոցներում
Էկոտուր 2014-ի թեմաները
էկոլոգիական հիմնախնդիրներ, որոնց բախվում ենք ամեն օր` դպրոցում, բակում, համայնքում, քաղաքում, մարզում, երկրում
- Աղբահանումը դպրոցում (պարտադիր` բոլոր մասնակիցների համար)
- Մեր բակը՝ պարտեզ
- Մեր լեռների էկոլոգիական խնդիրները
- Գյուղամիջյան ճանապարհներ
- 1988թ. երկաշարժի հետևանքների դանդաղ վերացումը` էկոաղետ
- Մեր բնակավայրի հիմնախնդիրները (կոնկրետ խնդիր)
- Գետերը և հէկաշինության մոլուցքը
Էկոտուր 2014-ի ժամանակացույցը
- 2013թ. սեպտեմբերի 1-ից հայտի գրանցում ekotourmskh.blogspot.com կայքում
- 2013թ. սեպտեմբեր – 2014թ. ապրիլ` ըստ հայտի աշխատանքների հրապարակում հայտատուի էջում
- Ապրիլի 22` Ծառի օրը
- Ապրիլի 24` միավորող ակցիաներ. ծառատունկ, բարեկարգման աշխատանքներ դպրոցում, բակում, գյուղում, քաղաքում
- Ապրիլի 25-28` էկոտուրի մասնակիցների ստեղծագործական հավաք կրթահամալիրում. կլոր սեղաններ, վարպետության դասեր
- Հուլիս` էկոտուրի հաղթողների արշավախմբային ճամբարներ
Մրցույթի անցկացման կարգը
- Երկրորդ փուլն անցած, էկոոլորտի հավանությանն արժանացած թիմերը ներկայացնում են գործնական կատարված աշխատանքները, ուսումնասիրություններն ու հետազոտությունները:
- Էկոտուրի մրցութային փուլին մասնակից աշխատանքները պետք է հրապարակվեն Կրթահամալիրի կայքում և Էկոտուրի բլոգում առնվազն 3օր առաջ: Չհրապարակաված աշխատանքները մրցույթին չեն մասնակցում:
- Թիմերում կարող են ընդգրկվել 3-5 սովորող, անհատ նախաձեռնողներ:
- Թիմը նյութը ներկայացնում է 10 րոպե ժամանակահատվածում:
- Ընդդիմադիր թիմը (ընտրվում է վիճակահանությամբ) հարցեր է ուղղում ներկայացնող թիմին:
- Հարցեր է ուղղում հանձնաժողովը, և անպայաման մասնակից թիմին ներկայացնում է նյութի առավելություններն ու թերությունները
- Նյութերի գնահատման մեջ հաշվի է առնվում հետևյալ գնահատման չափանիշները.
- ներկայացվող նյութին տիրապետելն ու ունեցած գտելիքները
- գործնական աշխատանքի կատարման մակարդակը
- ներկայացման ձևը
- ՏՀՏ-ի օգտագործումը
- թեմայի խնդրի առաջարկվող լուծումները, նախաձեռնությունները
- համատեղ աշխատելու ունակությունը, միմյանց օգնելու կարողությունը
- ընդդիմադիր թիմի հարցերի պատասխանումը, հարցեր ուղղելն ու հանձնաժողովի անդամների հարցերին պատասխանելը
Էկոլոգիա 